Қан қысымының төмендеуі. Ол тамырлар мен жүрек бұлшық етінің әлсіздігінен, төмен зат алмасуға, аз қозғалуға байланысты дамуы мүмкін.

Жас ұлғайған сайын тамырлардың қабырғасы созылғыш қасиетін жоғалтып, тығыздала бастайды және артерия тарылады. Осылардың нәтижесінде қан қысымы артады.

Миға қан құйылу. Ми жасушаларының зақымдануына әкеледі. Зақымдалған бөліктің мөлшері мен орнына байланысты сезімталдылық, сөйлеу, есте сақтау және бұлшық етті басқару жойылуы мүмкін. Дененің жеке бөліктері немесе бүкіл ағза қозғалмай қалуы ықтимал.

Қанағым (тромб, спазм не тамырдың жарылуы) бұзылуы салдарынан жүрек бұлшық етінің кейбір жерлерінің семуі. Инфарктің белгілері – кеуде тұсының қатты ауыруы. Ол сол қолға, иыққа, мойынның сол жақ бөлігіне, жауырынаралық бөлікке таралады. Көбінесе қорқыныш сезімі пайда болады.

Белгілері инфаркт белгілері сияқты – жүректің қанмен қамтамасыз етілуінің бұзылуы. Егер инфаркт тез дамыса, ишемия баяу дамуы мүмкін. Көп жағдайда миокард жасушаларының оттексіз семіп қалуынан келіп шығады. Себебі жасушалар қоректік заттар жетіспегеннен тіршілігін жояды. Ишемия белгілері, алғашқы көмек және алдын алу шаралары инфаркттегідей болады.

Жүректің жиі соғуы. Дені сау адамда ауыр дене жүктемесі, күйзеліс және т.б. жағдайда пайда болуы мүмкін. Тахикардияның белгілері жүректің соғуы жиілеп, жүрек аймағының ауруын сезінуі. Кейде ауру болмауы да мүмкін. Сирек жағдайда ауа жетіспейді, адам ентігеді, әлсіздік бай қалып, басы айналады, шаршайды, ұйқысы қашады, көңіл күйі бұзылады, тәбеті төмендейді, жұмыс қабілеті нашарлайды.