Крахмал Гликоген Хитин Целлюлоза Пектиндік заттар Инулин
1-тапсырма: Күнделікті өмірмен байланыс Төмендегі әрбір көмірсулардың түріне нақты өмірден мысалдар келтіріп, олардың қайдан алынатынын және неге маңызды екенін түсіндіріңіз:
Глюкоза адам ағзасына не үшін қажет? Ол қандай тағамдарда кездеседі?
Шәйға қосатын қанттың ғылыми атауы қандай? Сахароза қандай көкөніс немесе жемістерде кездеседі?
Картоп пен нанның құрамында қандай полисахарид бар? Бұл полисахаридті денеміз қалай пайдаланады?
2-тапсырма: Қызықты фактілер
Глюкоза — біздің миымыз үшін негізгі энергия көзі. Оны неге кейде "қант" деп атайды және оның қандағы деңгейі неге маңызды?
Лактоза – сүттің негізгі құрамдас бөлігі. Кейбір адамдардың лактозаны қорыта алмайтынын білесіз бе? Мұндай адамдардың диетасы қандай болуы керек?
Целлюлоза – өсімдіктердің жасушалық қабығын құрайтын зат. Неге адам ағзасы целлюлозаны қорыта алмайды, бірақ ол біздің тамақтанудағы маңызды бөлік болып табылады?
3-тапсырма: Сурет салу немесе инфографика жасау Көмірсулардың әр түріне мысал болатын өнімдермен (глюкоза, сахароза, крахмал) байланысты инфографика немесе сурет жасаңыз. Әр өнімнің жанында оның құрамындағы көмірсулардың түрін белгілеңіз.
