§28. Өсімдіктің өсуі мен дамуын реттегіштер

Фитогормондар деген не?
Фитогормондар арнайы өсімдік ұлпасында синтезделетін және өсімдік ағзасына микроскопиялық концентрацияда әсер ететін биологиялық белсенді заттар. Өсімдіктердің жануарлардан басты айырмашылығы, олар жүйке жүйесі арқылы басқарылатын белсенді қозғалыс жасамайды. Өсімдіктердің барлық түрлерінің қозғалысы - олардың жасушаларының белгілі бір бағытта өсуі. Демек,өсімдік ағзасын басқаратын механизм ретінде өсімдік жасушаларының өсуіне әсер ететін және өсімдіктердің тіршілік жағдайын өзгертетін заттар ғана қолданылады.
Фитогормондардың бес түрі бар:

  1. Этилен
  2. Цитокининдер
  3. Ауксиндер
  4. Гиббереллиндер
  5. Абсциз қышқылы

  • 1-тапсырма
    Сіз ауыл шаруашылығы кәсіпорнындағы агрономсыз делік. Сіздің міндетіңіз — өнімді арттыру үшін өсімдіктерге фитогормондарды дұрыс пайдалану әдістерін анықтау. Сізге картоп пен қызанақтың өнімін арттыру керек. Қандай фитогормондарды қолданасыз және олар өсімдіктің қай бөліктеріне әсер етеді деп ойлайсыз?
  • 2-тапсырма
    Үй жағдайында бөлме өсімдіктерін күтіп, баптап отыратын адамсыз. Сіз өзіңіздің гүлдеріңіздің жақсы өсуін және жиі гүлдеуін қалайсыз. Қандай фитогормондарды қолдану пайдалы болар еді, және оларды қолдану үшін не істер едіңіз?
  • 3-тапсырма
    Фермер өз бақшасында алма ағаштарының өнімін арттыруды көздейді. Ол фитогормондар туралы естіген, бірақ қандай гормондарды қалай қолдану керектігін білмейді. Сіз фермерге қандай кеңес берер едіңіз?
Бос орындарға қажетті сөздерді қойыңыз:

  1. Ауксин __________ өсуін ынталандырады.
  2. Цитокинин жасушалардың __________ процесін күшейтеді.
  3. Этилен жемістердің __________ жылдамдатады.
  4. Абсциз қышқылы өсімдікті __________ жағдайларда қорғауға көмектеседі.
Жауабы
сабақ, бөліну, пісуін, қолайсыз
Үйге тапсырма:
"Фитогормондардың маңызы" тақырыбына 70-100 сөзден тұратын эссе жазу
Made on
Tilda