Стерильдеу микроорганизмдер толықтай жойылатындай етіп объектілерді өңдеу. Стерильдеу нәтижесінде объектілер ауру тудыратын (патогенді) және сапрофитті микробтардан да тазарады. Негізі физикалық және химиялық факторлар болатын стерильдеудің өртүрлі әдіс-тәсілдері бар. Микроорганизмдердің жойылу критерийі көбею қабілетінің қайта қалпына келмеуі, яғни қоректік ортадағы жұғындыдан колония санын есептеу арқылы бағалауға болады. Көбінесе жылу арқылы стерильдеу әдістері қолданылады: қайнату, атмосфералық қызған ауада құрғақ ыстықпен немесе бу арқылы ылғалды ыстықпен, сонымен қатар заттарды отқа қыздыру. Отта қыздыру бактериологиялық ілмектерді, металл және шыны заттарды стерильдеудің сенімді әдісі.