11-с. 41-тақырып

Қоректік орталардың түрлері және оларды әзірлеу
Қоректік орта деген не?
Қоректік орта – микроорганизмдерді өсіру, олардың физиологиялық қасиеттерін зерттеу, диагностика және өндірістік мақсатта қолданылатын арнайы құрамдас орта. Бұл ортада микроорганизмдердің өсуіне қажетті заттар, яғни көміртек, азот, минералды тұздар және кейде қосымша өсу факторлары болады.
Қоректік ортаға қойылатын талаптар
Қоректік заттардың болуы
микроорганизмдердің өсуіне қажетті заттар болуы керек.
Изотондық қасиет
ортаның осмостық қысымы жасуша үшін қолайлы болуы қажет
РН көрсеткіші
микроорганизмдердің өсуіне оңтайлы рН диапазоны
Стерильділік
бөтен микроорганизмдердің болмауы
Қолдану
дайын орта зертханалық немесе өндірістік жұмыстарға пайдаланылады
Практикалық тапсырма: Желатинді агар дайындау

Қажетті материалдар:
  1. Су – 200 мл (қайнатылған).
  2. Желатин немесе агар-агар – 10-15 г.
  3. Қант немесе бал – 10-20 г (қоректік зат ретінде).
  4. Ет немесе көкөніс сорпасы – 100 мл (табиғи қоректік компонент).
  5. Құты немесе Петри табақшалары – дайын ортаны құю үшін.
  6. Сірке қышқылы немесе лимон шырыны – рН деңгейін реттеу үшін (опциялы).

Дайындау кезеңдері:
  1. Сорпа жасау:
  • Ет немесе көкөніс сорпасын алдын ала дайындаңыз. Етті қайнатып, оның суын сүзіңіз.
  • Бұл табиғи қоректік заттардың негізгі көзі болады.
  1. Желатинді еріту:
  • Қайнатылған суға желатин немесе агар-агар қосыңыз.
  • Толығымен ерігенше баяу отта қыздырыңыз.
  1. Қоспаларды қосу:
  • Ет немесе көкөніс сорпасын, қантты (немесе балды) және қажет болса, рН реттегішті (сірке қышқылы немесе лимон шырыны) қосыңыз.
  • Барлығын біркелкі болғанша араластырыңыз.
  1. Стерильдеу:
  • Қоспаны стерильдеу үшін 10–15 минут бойы қайнатыңыз.
  • Бөтен микроорганизмдерді болдырмау үшін барлық құрал-жабдықтарды ыстық сумен шайыңыз.
  1. Құю:
  • Сұйықтықты құтыларға немесе Петри табақшаларына құйыңыз.
  • Оны толық суытып, қатты ортаға айналуын күтіңіз.
  1. Сақтау:
  • Дайын ортаны қолдануға дейін тоңазытқышта сақтаңыз.
Тәжірибе
  1. Нан ашытқысын суға ерітіп, дайын ортаға тамызыңыз.
  2. Ортаны 1-2 күн бойы жылы жерде қалдырып, микроорганизмдердің өсуін бақылаңыз.
Үйге тапсырма
Made on
Tilda