11-с. 56-тақырып
Моноклонды антиденелер көмегімен ауруларды диагностикалау және емдеу
Хламидиоз – жыныстық жолмен берілетін ең көп таралған аурулардың бірі. Оның қоздырғышы – жасушаішілік паразит болып табылатын хламидия бактериялары. Моноклоналды антиденелер – хламидия бактерияларына қарсы дәл бағытталған молекулалар. Олар бактерияның ерекше антигендерін (мысалы, сыртқы қабықшасындағы белоктарды) жоғары дәлдікпен таниды. Бұл қасиеті оларды хламидиозды анықтау мен емдеу саласында тиімді құралға айналдырды.
Хламидиозға диагноз қоюда
моноклоналды антиденелердің рөлі
моноклоналды антиденелердің рөлі
1
Жылдам және дәл диагностика
Моноклоналды антиденелерді қолдану аурудың қоздырғышын бірнеше сағат ішінде анықтауға мүмкіндік береді. Бұрын зертханалық талдау нәтижелерін бірнеше күн күту қажет болса, енді бұл процесс анағұрлым жылдам және тиімді.
2
Жоғары сезімталдық
Моноклоналды антиденелер хламидия бактериясының ерекше антигендерін анықтауға арналғандықтан, қате нәтиже ықтималдығы азаяды. Бұл әдіс хламидиозды басқа аурулардан, мысалы, гонореядан, ажыратуға мүмкіндік береді.
3
Жаппай қолдану
Моноклоналды антиденелер негізінде жасалған экспресс-тестілерді дәрігерлер бөлімшелік деңгейде, тіпті шалғай аудандарда қолдана алады. Бұл хламидиозды ерте кезеңде анықтауға көмектеседі, ал ерте диагностика аурудың ауыр асқынуларын болдырмайды.
Дәптермен жұмыс
Сұрақтарға жауап беріңіз
Мәтін бойынша сұрақтар:
- Моноклоналды антиденелерді алуда қандай технология қолданылады?
- Моноклоналды антиденелер медицинада қалай қолданылады?
- Хламидиозды анықтауда моноклоналды антиденелердің артықшылығы неде?
