§63-64. ҒАЛАМШАР ТАЗА БОЛУЫ ҮШІН БІЗ НЕ ІСТЕУІМІЗ ҚАЖЕТ
«Жасыл экономика» – халықтың өмір сүру сапасы жоғары деңгейде болатын, табиғи ресурстарды қазіргі және болашақ ұр пақ мүддесі үшін ұқыпты әрі тиімді пайдаланатын және еліміз қабылдаған халықаралық экологиялық міндеттемелеріне сәй кес келетін экономика.
ЭКСПО-2017 көрмесінің негізгі тақырыбы – «Болашақтың энергиясы». Басты мақсаты – жауапкершілікке үндеу, пікірталастарға шақыру және әлемде адамдар табиғатқа келтіретін зиянды барынша азайта отырып, энергия тұтынуды жоспарлауды және қадағалауды үйренумен қатар, білімдерін қалыптастыру.
Тұрмыстық қалдықтарды іріктеу — қоршаған ортаны қорғаудың маңызды қадамы. Қайта өңдеуге жарамды қалдықтарды (пластик, қағаз, металл, әйнек) бөліп жинау арқылы табиғи ресурстарды үнемдеуге және қоқыс көлемін азайтуға болады. Бұл әдіс жерді ластанудан сақтап, экологиялық тепе-теңдікті сақтауға ықпал етеді. Сонымен қатар, тұрмыстық қалдықтарды дұрыс іріктеу арқылы қайта өңдеу саласын дамытуға мүмкіндік туады.
