11-сынып. 70-тақырып
Қазақстанның экологиялық проблемалары және оларды шешу жолдары
Қазақстан өндіруші жөне өңдеуші өнеркәсібі дамыған ел, соңғы бес жылда осы салалардың өсу қарқыны артып келеді. Ірі өнеркөсіп нысандары салынып, пайдалануға берілуде, бұл ауаның ластануының артып, тұтастай алғанда, Қазақстан экологиясының нашарлауына әкеп соқтырады. Көп жыл ішінде республикада 20 млрд тоннадан астам қалдықтар жиналған, олардың үштен бірі улы. Бұл қалдықтардың негізгі бөлігі тау-кен өндіру және тау-кен өңдеу өнеркәсібі.
Ең зиянды өндірістер Өскемен ауданындағы қорғасын-мырыш, Шымкенттегі қорғасын-фосфатты, Тараздағы фосфор өнеркәсібі, Ақтөбедегі хром көсіпорындары. Шығыс Қазақстан, Қарағанды, Павлодар облыстарының атмосфералық ауасы анағұрлым ластанған.
Қазақстан қалаларында ауаны ластауға негізгі үлес қосатын автомобиль көліктері. Пайдаланылатын отынның төмен сапасы және пайдаланылған газдарды тазалауға арналған сүзгілердің болмауы, автошаруашылықтың жылжымалы құрамының жағдайы, қалаларда автомобильдер санының артуы атмосфераға көміртек тотығының, қорғасынның және т.б. үлкен мөлшері шығарылуына алып келеді.
