§16. жер бетіндегі нәсілдер
Адамдардың жер бетіне таралуы барысында көптеген адам популяциясы пайда болды. Бұл топтар бір-бірінен алшақта тұрғандықтан араларында байланыс болмады. Табиғи сұрыпталудың нәтижесінде үш түрлі нәсіл қалыптасты негроидтық (қара), еуропеоидтық (ақ) және моңголоидтық (сары). Бір-бірінен ерекшеленетін әртүрлі адамдар тобының өзіндік белгілерін нәсілдік ерекшеліктер десе, бір-біріне ұқсастықпен біріккен топты нәсіл дейді
  • Еуропеоид нәсілі
    ерісі ашық, шашы түзу немесе толқынды, мұрны сүйірлеу келеді. Бұл нәсіл Еуропа, Батыс Азия және Солтүстік Африкада таралған.
  • Негроид нәсілі
    терісі қара, шашы қалың әрі бұйра, еріндері қалың, мұрны жалпақтау. Олар негізінен Африкада мекендейді
  • Моңғолоидтық нәсіл
    терісі сары-қоңырқай, шашы түзу және қалың, көзі бадамша пішінді. Бұл нәсіл Азия және Америка құрлығында кең таралған (Американың байырғы халқы (индеецтер, эскимостар) моңғолоид нәсіліне жатады деп саналады)

Қазақстанда 130-дан астам ұлт пен ұлыстың және этника-лық топтың өкілдері өмір сүруде. Олай болса, біздің мемлекетіміз көпұлтты және көп конфессиялы (көпдінді) республика. Сондықтан да барлық ұлттар мен діндер арасында өзара сый-құрмет, түсіністік орын алған.

Қызықты деректер
Ғалымдар барлық адамдардың арғы тегі шамамен 200 000 жыл бұрын Африкада өмір сүргенін анықтады.
Нәсілдер арасындағы айырмашылықтар адамның гендерінің тек 0,1%-ына ғана байланысты.
Моңғолоид нәсілінің бадамша көз пішіні – суықтан және қатты желден қорғау үшін бейімделген.
Негроид нәсілінің терісінің қара түсті болуы – күн сәулесінен қорғаудың табиғи механизмі
Еуропеоид нәсілінің ашық түсті терісі күн сәулесін көбірек сіңіріп, витамин D өндіруге көмектеседі.
Сәйкетендір

Нәсіл түрі

Ерекшелігі

Еуропеоид

а) Терісі қара, шашы бұйра

Негроид

б) Терісі ашық, мұрны сүйірлеу

Моңғолоид

в) Терісі қоңырқай, көзі бадамша

Иә/Жоқ

Негроид нәсілі негізінен Еуропада таралған.
Моңғолоидтардың көзі бадамша пішінді.
Еуропеоидтардың терісі қара түсті.
Барлық нәсілдер Африкадан тараған.
Made on
Tilda