1-тақырып.
ТАБИҒАТТЫ ЗЕРТТЕЙТІН ҒЫЛЫМДАРДЫҢ ЗЕРТТЕУ НЫСАНДАРЫ
НЫСАН ДЕГЕН НЕ?
Нысан (объект) – зерттеушінің зерттеу мақсатында таңдаған проблемалық жағдайды туғызатын үдеріс немесе құбылыс. Зерттеу нысанының атауы «Не қарастырылады?» деген сұраққа жауап береді.
ЗЕРТТЕУ ПӘНІ
Зерттеу пәні – ғылыми тұрғыдан қызығушылық танытатын және қарастырылатын нысанның жан-жақты сипаты мен қасиеті. Мысалы, тау жынысын зерттейтін болсақ, оның тереңдігін, қалыңдығын қарастырамыз; ал ақбөкенді зерттейтін болсақ, жылдық өсімін, Қазақстан аумағындағы таралымына көңіл бөлеміз. Зерттеу пәні «Не зерттеледі?» деген сұраққа жауап беруі тиіс.
ЗЕРТТЕУ ГИПОТЕЗАСЫ
Нысанды және пәнді зерттегенде зерттеу гипотезасын дұрыс құрастыру қажет. Мысалы: Қазақстанда ақбөкендердің азаюына жыртқыштардың әсерінен браконьерлердің (заңсыз аң аулаушылардың) зияны басым деген жорамал бар.
