§1. ЖАРАТЫЛЫСТАНУ ҒЫЛЫМДАРЫНЫҢ ЗЕРТТЕУ НЫСАНЫ ҚАНДАЙ
Ғылым деген не?
Ғылым – адамның ең көне, маңызды және күрделі ісінің бірі. Ол бізге табиғатты зерттеп, оны адамның қажеттіліктеріне бейімдеуге көмектеседі. Ғалымдар жаңа білім ашу үшін зерттеу жүргізеді, тәжірибе жасайды және өз еңбектерін бөліседі.
Ғылым 3 бағытқа бөлінеді:
  • Жаратылыстану ғылымдары (табиғатты зерттейді)
  • Техникалық ғылымдар (техника мен технологияларды дамытады)
  • Қоғамдық және гуманитарлық ғылымдар (қоғамды, адамды зерттейді).
ЖАРАТЫЛЫСТАНУ ҒЫЛЫМДАРЫ
  • ФИЗИКА
    Табиғаттағы құбылыстарды (жарық, дыбыс, қозғалыс, энергия) зерттейтін ғылым. Ол заттардың қозғалысы мен өзара әрекетін түсіндіреді.
  • ХИМИЯ
    Заттардың құрамын, қасиеттерін және бір заттың екінші затқа айналуын зерттейді. Мысалы: судың буға айналуы немесе темірдің тот басуы.
  • БИОЛОГИЯ
    Тірі ағзаларды (өсімдіктер, жануарлар, адам) және олардың құрылысын, тіршілігін зерттейді.
  • АСТРОНОМИЯ
    Аспан денелерін (күн, ай, жұлдыздар, планеталар) және олардың қозғалысын зерттейтін ғылым.
  • ГЕОГРАФИЯ
    Жердің табиғатын, жер бедерін, климатын, халықтарын және олардың шаруашылығын зерттейді.
  • ОКЕАНОЛОГИЯ
    Мұхиттар мен теңіздерді, олардың тереңдігін, жануарлары мен өсімдіктерін зерттейді.

  • ҒЫЛЫМДЫ ЖІКТЕУ

    Ғылымды жіктеу – бұл қандай да бір ғылымның ішін де әлдеқайда шағын, дербес зерттеу саласын бөліп алу, оларды өз бетінше дербес ғылымға айналдыру. Осылай ша, физиканың ішінен атты дене физикасы, плазма физикасы бөлініп шықты.

  • ҒЫЛЫМДЫ БІРІКТІРУ

    Ғылымды біріктіру – ескі ғылымдардың түйісуінде жаңа ғылымның пайда болуы, ғылыми білімдерді біріктіру үдерісі. Мұндай ғылымдар түріне физикалы химия, хи миялы физика, биофизика, биохимия, геохимия, биогео химия, астробиология және басқалар мысал бола алады.
Made on
Tilda