6-с. 3-п. Верховц

§3. ЗЕРТТЕУ ЖҮРГІЗГЕН КЕЗДЕ ҚАНДАЙ ҚАУІПСІЗДІК ТЕХНИКАСЫ ЕРЕЖЕЛЕРІН САҚТАУ ҚАЖЕТ

ҚАУІПСІЗДІК ЕРЕЖЕСІ ДЕГЕН НЕ?

Қауіпсіздік ережелері – бұл адамды түрлі қауіп-қатерден қорғау үшін қойылатын арнайы талаптар мен тәртіптер. Олар мектепте, үйде, көшеде, зертханада немесе өндірісте сақталуы керек. Яғни, қауіпсіздік ережелері – өзіңді және басқаларды жарақаттанудан, уланудан, өрттен немесе басқа да қауіпті жағдайлардан қорғау үшін міндетті түрде орындау керек заңдылықтар.

МЕКТЕПТЕ САҚТАЛАТЫН ҚАУІПСІЗДІК ЕРЕЖЕЛЕРІ

Зертханада мұғалімнің рұқсатынсыз құрал-жабдықты қолданбау

Химиялық заттарды иіскемеу, татып көрмеу

Қыздырылған заттарды ұстамау

Электр құралдарын тек мұғалімнің бақылауымен пайдалану

Қауіп төнген жағдайда (өрт, төтенше жағдай) сабырлы болып, эвакуация жоспарына сай әрекет ету

Не істеуге болмайды	Не істеу керек
*Бейтаныс сұйықтықты дәмін татып көру*	*Қолғап пен көзілдірік кию*
*Қызған құралға қол тигізу*	*Қолданған соң қолды жуу*
*Зертханадан рұқсатсыз шығу*	*Мұғалімнің нұсқауын тыңдау*

Тәжірибе жүргізу кезіндегі қауіпсіздік техникасының жалпы ережелері

1. Барлық құралға ұқыптылықпен қарау қажет. Олар сынып қалса, жарақаттануың да мүмкін.
2. Жұмыс істеу кезінде отыруға да, тұруға да болады.
3. Тәжірибені кезекпен топтағы әр оқушы жүргізеді.
4. Бір оқушы тәжірибе жасайды, қалғандары бақылап тұрады немесе тәжірибе жасау шының өтініші бойынша оған көмектеседі.
5. Жүргізілген тәжірибенің нәтижесі бойынша пікір алмасу тәжірибе жасаушы рұқсат бергеннен кейін ғана басталады.
6. Бір-біріңмен басқаларға кедергі келтірмейтіндей ақырын сөйлесу керек.
7. Тек мұғалімнің рұқсатымен ғана үстелге жақындауға және зертханалық жабдықты ауыстыруға болады.
8. Жұмыс аяқталған соң үстел үстін ретке келтіріп, қолды сабынмен жуу қажет.

Төтенше жағдай кезіндегі хабарласуға арналған нөмірлер

101 - өрт сөндіру
102 - полиция
103 - жедел жәрдем
112 - құтқару қызметі

Төмендегі тұжырымдарды оқып, “Дұрыс” немесе “Бұрыс” деп жауап бер.

1. Зертханада тамақ жеуге болады.
2. Электр құралдарын мұғалімнің рұқсатынсыз қосуға болмайды.
3. Химиялық затты иіскеп көруге рұқсат етіледі.
4. Зертханалық жұмыс кезінде шашты жинау керек.
5. Ыстық құралды қолғапсыз ұстауға болады.

Толықтыр

Зертханалық жұмыс кезінде …
Ыстық сұйықтықпен жұмыс істегенде …
Электр құралдарын қолданар алдында …
Химиялық заттармен жұмыс аяқталған соң …
Шығармашылық тапсырма

“Егер сен зертханаға жаңа келген оқушыларға арналған плакат жасасаң, онда қандай 5 негізгі қауіпсіздік ережесін жазар едің?”