§21. ҚАНДАЙ ТАБИҒАТ ҚҰБЫЛЫСТАРЫ БАР?

Бізді қоршаған ортада әртүрлі өзгерістер мен құбылыстар үнемі болып тұрады.

Мысалы, күннің шығуы, жаңбырдың жаууы, желдің соғуы, найзағайдың жарқ етуі — бәрі де табиғат құбылыстары деп аталады.

  • Биологиялық

    Барлық тірі табиғи денелерде, яғни организмде болатын құбылыстарды биологиялық құбылыс деп атайды.

  • Физикалық

    Физикалық құбылыстарда жаңа заттар пайда болмайды, бірақ зат пен дененің көлемі, пішіні, орналасуы, агрегаттық күйі өзгереді.

  • Химиялық
    Химиялық құбылыс бұл құбылыс кезінде бір заттан екінші заттың пайда болуы.
Тапсырмалар
  • Дұрыс немесе бұрыс екенін анықта:
    (“Д” – дұрыс, “Б” – бұрыс деп белгіле)
    1. Мұздың еруі – химиялық құбылыс. ( )
    2. Өсімдіктің гүлдеуі – биологиялық құбылыс. ( )
    3. Күннің шығуы – астрономиялық құбылыс. ( )
    4. Оттың жануы – физикалық құбылыс. ( )
    5. Жаңбырдың жаууы – физикалық құбылыс. ( )
  • Таңертеңнен кешке дейін өз көзіңмен көрген 5 табиғат құбылысын жаз және олардың түрін анықта.
    Мысалы:
    • Таңертең шық түсті – физикалық
    • Ағаштың жапырағы сарғайды – биологиялық
Сәйкестендіріңіз

Темірдің тот басуы

Биологиялық



Өсімдіктің өсуі

Астрономиялық

Күннің тұтылуы

Физикалық

Мұздың еруі

Химиялық

Made on
Tilda